उपजिल्हा रुग्णालय कराड येथील त्या फार्मासिस्ट कडून माय मराठी टीव्ही ला बातमी न लावण्यासाठी मध्यस्थ घालण्याचा प्रयत्न

उपजिल्हा रुग्णालय कराड येथे फार्मासिस्ट म्हणून कर्तव्य बजावणाऱ्या संतोष शेटे यांच्याकडून माय मराठी टीव्ही ला बातमी न लावण्याकरिता मध्यस्थ घालण्याचा प्रयत्न !

याबाबत अधिक माहिती अशी की, दिनांक 07 09 2024 रोजी सायंकाळी सहा वाजून 58 मिनिटांनी औषध उपचारासाठी गेलेल्या पत्रकार मुस्कान तांबोळी यांच्या वरती येथील फार्मासिष्ठ संतोष शेटे व व एका सिस्टर कडून घडलेली आप बीती च्या प्रत्यक्ष अनुभवाची सविस्तर बातमी माय मराठी टीव्ही च्या माध्यमातून दिनांक ०८/ ०९/२०२४ रोजी प्रसिद्ध करण्यात आली होती, हे आपण सर्वांनी पाहिलीच आहे कदाचित फार्मासिस्ट संतोष शेटे यांनी ही बातमी पाहिली असावी किंवा त्यांना कोणीतरी पाठवली असावी, बातमी करण्यापूर्वी व बातमी केल्यानंतर या बहाद्दरांनी दिनांक 07/09/2024 रोजी सायंकाळी आठ वाजून पंधरा मिनिटांच्या दरम्यान माय मराठी टीव्हीच्या एका निकटवर्तीय पत्रकाराद्वारे मध्यस्थ घालण्याचा प्रयत्न केला, परंतु माय मराठी टीव्हीच्या निकटवर्ती पत्रकारांना ही संपूर्ण बाब सांगितल्यानंतर तुम्ही जे केले ते योग्यच आहे, बातमी करणे हे तुमचे स्वातंत्र्य आहे, असे म्हणत तरी देखील मी एकदा संतोष शेटे यांना आपणास फोन करावयास लावतो आपण त्यांचे एकदा म्हणणे ऐकून घ्यावे  असे सांगितले आम्ही देखील त्यांच्या शब्दाला मान दिला यानंतर त्याच दिवशी सायंकाळी नऊ वाजता संतोष शेटे यांचा माय मराठी टीव्ही च्या शरीफ तांबोळी यांना फोन आला त्यांनी फोन वरती संबंधित पत्रकाराचे नाव सांगून आत्ता आपले त्या पत्रकारांबरोबर बोलणे झाले आहे ना असे विचारले शरीफ तांबोळी यांनी त्यांना याबाबत सविस्तर खुलासा मागितल्यानंतर संतोष शेटे यांनी विषयाचा टाळाटाळ करण्याचा प्रयत्न करून माझ्या मोबाईल मध्ये आवाज येत नाही मी तुम्हाला थोड्या वेळाने फोन करतो असे सांगून फोन कट केला, यानंतर शरीफ तांबोळी यांनी रात्री पावणेदहा वाजेपर्यंत त्यांच्या फोनची वाट पाहून स्वतः संत शेटे यांना फोन केला परंतु संतोष शेटे यांनी फोन उचलला नाही, त्याच्या दुसऱ्या दिवशी सकाळी दिनांक 08.09.2024 रोजी पुन्हा कराड मधील एका प्रतिष्ठित व्यक्ती व एका पक्षाच्या पदाधिकाऱ्याचा फोन माय मराठी टीव्हीस आला, त्यांनी देखील संतोष शेटे प्रकरणाविषयी माहिती घेतली व सतत होणाऱ्या बातम्या व उपजिल्हा रुग्णालयातील होणाऱ्या प्रकारामुळे उपजिल्हा रुग्णालयाचे नाव खराब होत असल्याचे बोलले, यानंतर पुन्हा दुपारी अडीचच्या दरम्यान कराड मधील माजी नगरसेवक यांचा देखील याच विषयावरती फोन आला यावेळी संबंधित नगरसेवकाची व शरीफ तांबोळी यांची चर्चा देखील झाली शरीफ तांबोळी यांचे निकटवर्तीय असल्याने त्यांनी एक वेळ फार्मासिस्ट संतोष शेटे यांच्याशी आपण बोलूयात असे सांगितले माजी नगरसेवक व शरीफ तांबोळी यांची काही कारणास्तव भेट झाली नाही यामध्ये आम्ही माजी नगरसेवक यांना किंवा आम्हास आलेल्या इतर लोकांना दोष देत नाही कशात कदाचित या लोकांना सामंजस्याची भूमिका घेऊन फार्मासिस्ट संतोष शेटे यांना ताकीद देण्याचा विचार आला असावा म्हणून देखील यांनी फोन केला असावा, परंतु फार्मासिस्ट संतोष शेटे हे महाभाग संतोष शेटे येथेच न थांबता, वशिला लावतात किंवा दबाव आणण्याचा प्रयत्न करतात अशाप्रमाणे कराडमधील एका प्रतिष्ठित बँकेच्या अधिकाऱ्यांना माय मराठी टीव्हीस फोन करावयास सांगितला, त्याप्रमाणे माय मराठी टीव्हीस फोन देखील आला परंतु फोन उचलू न शकल्याने रात्री उशिरा या प्रतिष्ठित अधिकाऱ्यांचा व्हाट्सअप वरती मेसेज आला त्यांनी माय मराठी टीव्ही ची बातमी व्हाट्सअप वरती परत पाठवून संतोष शेटे हे आमचे निकटवर्तीय पाहुणे आहेत असे सांगितले, त्या मेसेजचा प्रत्युत्तर देत शरीफ तांबोळी यांनी फार्मासिस्ट संतोष शेटे यांच्या विषयी घडलेल्या प्रकाराबाबत सविस्तर माहितीचा मेसेज केला मेसेज पाहिल्यानंतर संबंधित अधिकाऱ्यांनी कोणत्याही प्रकारचे प्रत्युत्तर दिले नाही, कदाचित त्यांना ही बाब पटली असावी किंवा योग्य आहे असं वाटलं असावं, ही वस्तुस्थिती आपणासमोर मांडण्याचे  कारण एकच आहे की, माय मराठी टीव्ही ने बातमी द्वारे हे व्रत प्रसिद्ध केल्यानंतर, उपजिल्हा रुग्णालय मध्ये उपचारासाठी दररोज जाणाऱ्या कितीतरी नातेवाईक व त्यांच्या पेशंटनी उपजिल्हा रुग्णालयात असलेल्या गैरसोयीचा पाढाच वाचला व माय मराठी टीव्ही ने यातील एका एका गोष्टीवरती लक्ष घालून पाठपुरावा करून शासनाकडे बातमी द्वारे रुग्णांना होणाऱ्या गैरसोई सोयी व त्रासाबद्दल व्यथा मांडण्याची विनंती देखील केली, त्याचे देखील रेकॉर्ड माय मराठी टीव्ही ने ठेवले आहे व माय मराठी टीव्ही नक्कीच या सर्व गोष्टीचा देखील पाठपुरावा करेल

कारण माय मराठी टीव्ही कधीही चुकीच्या गोष्टीचे समर्थन करत नाही… कारण माय मराठी टीव्ही नेहमीच सत्याच्या बाजूने राहिली असून सतत आणि सातत्याने अन्यायाला वाचा फोडण्याचे काम करत आहे व त्यास जनतेची व नागरिकांची मोलाची साथ मिळत आहे…

ज्यांनी पूर्वी ही बातमी पाहिली नसेल त्यांच्याकरता पुन्हा खाली प्रसिद्ध केलेल्या सविस्तर बातमीची माहिती टाकत आहोत ज्यांनी ही बातमी पूर्वी वाचली नसेल त्यांनी एकदा वाचावी व आपल्या प्रतिक्रिया व अभिप्राय कळवावे !

फार्मासिस्ट संतोष शेटे यांचे उद्धट वागणे

उपजिल्हा रुग्णालय कराड येथील धक्कादायक प्रकार

उद्धट वागणे लसीकरणाचे इंजेक्शन उपलब्ध नाही असे सांगणे, अचानक व्हिडिओ चित्रीकरण केल्यानंतर लसीकरणाच्या इंजेक्शनचे अख्खे बॉक्स सिस्टर च्या टेबलवर येणे

याबाबत अधिक माहिती अशी की उपजिल्हा रुग्णालय कराड संतोष शेटे फर्मासिस्ट .07.09.2024 वेळ सायंकाळी 06.58 उपस्थित डॉक्टर धोंडीराम जाधव + एक सिस्टर व सायंकाळी 7.30 ला आलेले सिक्युरिटी गार्ड + कुत्रा चावलेले कडेगाव येथील लहान बाळ व त्याचे नातेवाईक + एक मद्य प्रशान करण्यामुळे अशक्त झालेले पेशंट 

विषय :- कुत्रा चावल्या नंतर करण्यात येणाऱ्या औषधोपचारासाठी गेल्यानंतर चक्क लसीकरणाचे इंजेक्शन उपलब्ध नाही असे तेथे कार्यरत असलेल्या सिस्टर कडून सांगण्यात येते हा प्रकार उपस्थित डॉक्टर धोंडीराम जाधव यांनी पहिल्या नंतर डॉ. धोंडीराम जाधव यांनी फार्मासिस्ट संतोष शेटे यांना फोन करून माहिती विचारली असता त्यांनी पंधरा मिनिटात येतोय असे सांगितले त्यानंतर फार्मासिस्ट संतोष शेटे हे डॉ.धोंडीराम जाधव यांच्या केबिनमध्ये गेले तेथे त्या ठिकाणी त्यांनी फार्मासिस्ट संतोष शेटे यांना सांगितले की पत्रकार मंडळी आलेले आहेत तसेच कडेगाव येथून लहान बाळ आले आहे त्यांना ते इंजेक्शन लस द्यायचे आहे यावर फार्मासिस्ट संतोष शेटे यांनी डॉक्टरांना उद्धट भाषेमध्ये उत्तर देण्याचा प्रयत्न करून कोण पत्रकार मी काय कोणत्या पत्रकारांना विचारत नाही असे उत्तर दिले त्यानंतर डॉ.धोंडीराम जाधव यांनी पुन्हा त्या फार्मासिस्ट संतोष शेटे यांना विनंती केली की महिला पत्रकार आहेत व एक लहान बाळाला पण लस द्यायची आहे तरीदेखील फार्मासिस्ट संतोष शेटे यांनी महिला असो अथवा कोणीही असो तुम्हीं ते मला सांगू नका आता मिळणार नाही म्हणजे नाही अशा भाषेत उत्तर दिले हा सर्व प्रकार पत्रकार शरीफ तांबोळी यांच्या निदर्शनास आल्यानंतर त्यांनी मोबाईल मध्ये व्हिडिओ रेकॉर्डिंग चालू करून फार्मासिस्ट संतोष शेटे यांना या प्रकारा बाबत विचारणा केली असता ते जे काही म्हणाले तो संपूर्ण प्रकार मोबाईलद्वारे चित्रीकरण करण्यात आला आहे !

याच वेळेला कडेगाव येथून लहान बाळाला कुत्रे चावले असल्याने त्याचे नातेवाईक त्यास पुढील उपचारासाठी उपजिल्हा रुग्णालय कराड या ठिकाणी घेऊन आले होते त्यांना देखील याच लसीकरणाची इंजेक्शनची गरज होती…… पुढे अचानकच धक्कादायक प्रकार समोर आला फार्मासिस्ट संतोष शेटे यांनी जे इंजेक्शन उपलब्ध नाही उद्या सकाळ शिवाय मिळणार नाही असे उद्धट भाषेत सांगितले होते त्याच इंजेक्शन चा संपूर्ण एक अख्खा बॉक्स सिस्टर च्या टेबल वरती अचानक आला याचे देखील व्हिडिओद्वारे मोबाईल मध्ये चित्रीकरण करण्यात आले आहे त्यानंतर उपस्थित महिला पत्रकार मुस्कान तांबोळी व कडेगाव येथील लहान बाळास लसीकरण केले लसीकरण करत असताना सिस्टरच्या मनात राग होता की काय.. काय माहिती इंजेक्शन मधील औषध शरीरामध्ये न जाता ते बाहेरच पडले पण सिस्टर म्हणाल्या झाले लसीकरण असो सिस्टर अनुभवी असाव्यात त्यांच्या म्हणण्याप्रमाणे लसीकरण झाले असावेत…परंतु शासनाने लाखो रुपये खर्च करून गोरगरिबांसाठी उपलब्ध केलेले हे उपजिल्हा रुग्णालय नेमके कशासाठी ? उपजिल्हा रुग्णालयातील कर्मचाऱ्यांना कामाचा जास्त ताण आहे का ? फार्मासिस्ट सुनील शेटे,कर्मचाऱ्यांकडून किंवा सिस्टर कडून ज्यादा काम करून घेतले तर जात नाही ना ? असे होत नसेल तर मग येणाऱ्या रुग्णा बरोबर असे का वागतात ? त्याची वरिष्ठांनी चौकशी केली पाहिजे.. अन्यथा हा सर्व प्रकार जिल्ह्याचे पालकमंत्री नामदार शंभूराज देसाई साहेबांच्या,तसेच समंधित विभागातील आरोग्यमंत्र्यांच्या निदर्शनास आणून देणे गरजेचे आहे, कारण काय….

महायुती सरकारच्या माध्यमातून महाराष्ट्रामध्ये लोकहिताच्या व जनसेवेच्या कामांना प्राधान्य दिले जात असून त्यासाठी कितीही निधी लागला तरी हे सरकार कमी पडू देत नाही, त्यामुळे अशा काही ठराविक कर्मचाऱ्यांच्यामुळे सरकारचे नाव बदनाम होता कामा नये याची देखील दक्षता घेणे तितकेच गरजेचे आहे !

माय मराठी टीव्ही च्या बातमीच्या माध्यमातून उपजिल्हा रुग्णालय येथे शिस्त लावण्याचा प्रयत्न सुरु करत आहोत आम्हांस आशा आहे कि सर्व नागरिक देखील यास सहमती दर्शवतील व माय मराठी टीव्हीस पाठबळ देतील नक्कीच !

उद्याच्या बातमीपत्रात पहा या संपूर्ण प्रकारचा व्हिडीओ तसेच उपजिल्हा रुग्णालय कराड चे वैद्यकीय अधीक्षक या सर्व प्रकारा बाबत काय प्रतिक्रिया देतात !